مركز الحق للديمقراطية و حقوق الانسان
دفاعا عن حقوق الأنسان

من موضوعات شبكة الصحافة المحلية -راديو ترانزيت – توعية للمواطنين

0

من اخبار شبكة الصحافة المحلية .. راديو ترانزيت .. بورسعيد

القايمة النسبية

فى النظام ده مصر بتتقسم لعدد اقل من الدواير الانتخابية بس كل دايرة بتبقى مساحتها أوسع وكل دايرة بيكون لها عدد اكبر من المقاعد فى البرلمان

 

ليه النظام دا اتسمى قائمة نسبية؟؟ اولا: قائمة علشان فى النظام دا المرشحين بيبقوا مجموعات كل مجموعة بتبقى اسمها قائمة وبيكون عدد المرشحين اللى فى القائمة بيساوى عدد المقاعد بتوع الدايرة فى البرلمان يعنى لو 10 مقاعد يبقى لازم كل قائمة تبقى فيها 10 اشخاص مرشحين ممكن يكونوا من حزب واحد او اكتر من حزب مع بعض – ثانيا: نسبية علشان عدد المرشحين اللى هيفوزوا من القائمة هيتحدد بناء على نسبة الاصوات اللى خدتها القائمة

 

طبعا برده لازم تبقى نص القائمة على الاقل عمال وفلاحين علشان شرط البرلمان ودا بيتحقق فى القائمة عن طريق وضع مرشح فئات ووراه فى الترتيب مرشح عمال وفلاحين وهكذا ومش من حقك كناخب انك تتدخل فى تغيير الترتيب

 

يوم الانتخاب هتستلم استمارة فيها بس اسماء القوائم المرشحة والرمز بتاع كل قائمة

 

هتختار القائمة اللى عايز تديها صوتك وتعلم قدامها

 

الرمز هيبقى موحد لكل حزب على مستوى الجمهورية علشان تعرف القائمة بتاعته بسهولة

 

علشان نعرف كل قائمة هتاخد كام مقعد فى البرلمان بعد التصويت هنفترض المثال دا

 

الدايرة فيها 1000 صوت وعندنا 4 قوائم مرشحين وعدد المقاعد المخصصة للدائرة فى البرلمان 10 مقاعد وكل قائمة خدت يوم الانتخاب مجموعة من الاصوات كالتالى

 

قائمة أ: خدت 400 صوت  يعنى  40% من الاصوات

 

قائمة ب: خدت 300 صوت  يعنى 30% من الاصوات

 

قائمة ج: خدت 200 صوت  يعنى 20% من الاصوات

 

قائمة د: خدت 100 صوت  يعنى 10% من الاصوات

 

اذا قائمة أ تاخد 40% من المقاعد المخصصة للدايرة يعنى هتاخد 4 مقاعد من 10

 

قائمة ب تاخد 30% من المقاعد المخصصة للدايرة يعنى هتاخد 3 مقاعد من 10

 

قائمة ج تاخد 20% من المقاعد المخصصة للدايرة يعنى هتاخد 2 مقاعد من 10

 

قائمة د تاخد 10% من المقاعد المخصصة للدايرة يعنى هتاخد 1 مقاعد من 10

يعني عشان القايمة تجيب مقعد ف الدايرة لزم تجيب 10 % من أصوات وقيس ع كدة كل الدواير يعني لو دايرة فيها 4 مقاعد بيقي القايمة لازم تجيب 25% من اجمالي اصوات

هنا بقى فى مجموعة ( أ )  لها 4 مقاعد والقائمة بتاعتها فيها 10 افراد مين اللى هيروح منهم البرلمان؟؟

 

بيتاخد اول 4 اسماء مكتوبين فى القائمة بالترتيب والنظام دا هيطبق فى بقية القوائم يعنى مجموعة (ب) هتاخد من القائمة بتاعتها او 3 اسماء مكتوبة تبعا للترتيب وهكذا فى بقية القوائم

 

ترتيب الاسماء فى القائمة بيبقى تبعا لمعايير كتير بتحطها الاحزاب  وبتختلف من حزب لحزب ممكن علشان المرشح دا له شعبية كبيرة فيبقى اسمه فى الاول او ان مرشح تانى له خبرة سياسية كبيرة فيبقى اسمه فى اول القائمة وهكذا

 الي ليه اي سؤال يتفضل

 

يمكنكم التواصل مع راديو ترانزيت على موقع فيس بوك عبر الرابط التالي 

http://www.facebook.com/groups/transitradio/

 

Facebook Comments

Leave A Reply

Your email address will not be published.

language
%d مدونون معجبون بهذه: